نجاة | منوعات
كل الكلام قلناه، وادينا زي ماحنا
لو يوم جميل عشناه، كانت هانت جروحنا
حبيبي إنت غاوي دايماً تقول كلام
لو الكلام بيداوي، ليه حاسّة بآلام؟
كل الكلام قلناه
ان كان على العتاب، عاتبتك لما دُبت
لا جرح قلبي طاب، حبيبي ولا انت توبت
وانا رقة كلامك بتخليني اعود
واكدِّب جرح قلبي واصدق وعود
منين بتجيب كلامك؟ كلام جميل بيعجب
خلاني اقول لجرحي، يا جرحي ليه بتكدب!
كدبك غريق وياما خدني لأحلام سعيدة
واخاف امشي ف طريقي وارجع منه وحيدة
حبيبي إنت غاوي دايماً تقول كلام
لو الكلام بيداوي، ليه حاسّة بآلام؟