محمد عبدو | يا راحلة 2016
وش عاد تبغى من كذا أكثر وضوح
جيتك أسف، أوضح من الشمس عذري
جيتك ألم، جيتك ندم، جيتك جروح
جيتك وقلبي مالقيته بصدري
تدري أحبك يا صدى صمتي والبوح
وش فيك ما كنك عن الحال تدري
صعبت عليك ترد وتقول مسموح
هانت عليك تبعثر أوراق عمري
وش عاد تبغى من كذا أكثر وضوح!
يا رجعة انفاسي ويا طلعة الروح
عمري سرى والوقت ماهوب بدري
حتى لو أني منك ضايق ومجروح
عليك يا خوفي ويا طول صبري
وش عاد تبغى من كذا أكثر وضوح!
بمشي وراك أتبعك من وين ماتروح
أرجوك قلي وش مكاني وقدري
إسمعني صوتي بالأسف صار مبحوح
لا تعاكس التيار مادام يجري
وش عاد تبغى من كذا أكثر وضوح!